Rikuperimi pas mbjelljes së flokëve - Klinika Dermolife
Paketat e kujdesit pas procedurës janë të përgatitura posaçërisht për të përshpejtuar kohën e rikuperimit dhe për të parandaluar çdo efekt anësor të mundshëm.
Është e rëndësishme që në ditët e para pas mbjelljes së flokëve të vishni rroba të rehatshme dhe të lirshme, në mënyrë që të shmangni kontaktin me zonën e pasme të kokës, nga ku janë nxjerrë graftet.
Është krejtësisht normale që flokët e mbjellë të fillojnë të bien gjatë një periudhe 3–4 mujore. Pas kësaj faze, rritja do të nisë gradualisht, derisa të arrihet densiteti i dëshiruar dhe rezultati i pritshëm.
Analiza e Flokut15 ditët e para pas transplantit
Kjo është periudha më e rëndësishme për shërimin optimal të flokëve të transplantuar.
- Zona e mbjellë mund të jetë e ndjeshme dhe mund të shfaqë skuqje ose ënjtje të lehtë, që janë normale.
- Kur flasim për “shampo të buta” gjatë 15 ditëve të para pas transplantit, nënkuptojmë produkte që janë: pa sulfate dhe parabene, pa aroma të forta ose ngjyra artificiale, pH i balancuar (pH 4.5-5.5), me përbërës qetësues dhe hidratues.
- Mos fërkoni ose gërvishtni zonën e transplantit, edhe nëse formohen kore.
Si duhet të flini:
- Pozicioni ideal: Flini me kokën të ngritur rreth 30-45 gradë, për të reduktuar ënjtjen.
- Përdorni jastëk shtesë ose disa jastëkë për të mbajtur kokën të ngritur gjatë gjumit.
- Përpiquni të flini në shpinë, duke shmangur kontaktin e zonës së mbjellë me jastëkun ose sipërfaqet e tjera.
- Mos flini në stomak apo anë për dy javët e para, për të parandaluar fërkimin e graft-eve.
3 muajt e parë pas transplantit
- Në muajt e parë pas transplantit është normale që flokët e mbjellë të bien. Kjo fazë quhet “shedding” dhe është pjesë e ciklit natyral të rritjes së flokëve.
- Nuk duhet të shqetësoheni sepse kjo nuk do të ndikojë në rezultatet afatgjata.
- Pas rënies, flokët fillojnë të dalin si qime të holla. Janë të brishta në fillim dhe gradualisht do të forcohen.
- Kujdesi për hidratimin e lëkurës dhe përdorimi i shampove të buta që kemi specifikuar më lart mbetet i rëndësishëm për të mbështetur rritjen e shëndetshme të flokëve.
6 muaj pas transplantit të flokëve
Pas 6 muajsh, shumica e pacientëve fillojnë të shohin ndryshime të dukshme në densitetin dhe pamjen e flokëve. Flokët tashmë marrin pamjen natyrale, janë më të fortë dhe më të trashë. Kjo është një periudhë ku shumë pacientë ndihen të sigurt për të rikthyer pjesërisht rutinën e tyre të përditshme.
- Flokët vazhdojnë të shumohen dhe të dendësohen.
- Shumica e pacientëve arrijnë rreth 60-70% të rezultatit final në këtë pikë.
- Graftet e transplantuara janë tashmë të forta dhe të stabilizuara, prandaj flokët mund të qethen.
- Mund të përdorni produkte kozmetike për të stiliuar flokët.
12 muaj pas transplantit të flokëve
Pas një viti, transplanti zakonisht ka arritur rezultatin e plotë: densitet maksimal dhe flokë të fortë.